70 milljóna gjöf

Í hádegisfréttum RÚV í dag, 17. júní, var sagt frá því að Hringskonur hefðu gefið Barnaspítala Hringsins 70 milljónir til tækjakaupa í tilefni 70 ára afmælis félagsins. 1 milljón fyrir hvert ár í sögu þess. Fréttin var örstutt, enginn tekinn tali, fréttin var síðasta frétt á undan íþróttafréttum. Svona er fréttavægið í dag. Í fréttum helst voru fjármálaprettir og annað sem hærra þykir rísa í þjóðfélaginu en rausnargjafir kvenna.......en í mínum huga stóð þessi frétt upp úr sem sú merkasta. Sýnir að að það eru til hópar í þjóðfélaginu sem hlúa að, byggja upp, gefa stórgjafir á meðan aðrir stela og svíkja undan. Ég tek ofan fyrir þessum örlátu konum sem virtu þjóðhátíðardaginn með því að gefa stórgjöf í þágu barna.

Athugasemdir

[Harpa Björnsdóttir, 17.6.2012 kl. 13:59]

Fréttavefurinn bleikt.is fjallaði um þessa höfðinglegu gjöf með margfalt betra og ítarlegri hætti en RUV.....og þar kemur fram (sem ekki gerði í frétt RÚV) að það er Barnaspítalasjóður Hringsins sem á 70 ára afmæli, ekki félagið sjálft, því það var stofnað 1904 ......